BENVIDOS A OCW UNIVERSIA
OpenCourseWare (OCW) é un exemplo das iniciativas que nos últimos tempos emerxeron para promover o acceso libre e sen restricións ao coñecemento.
En abril de 2001, o Instituto tecnolóxico de Massachusetts (MIT) lanzou a iniciativa OCW-MIT, a través da que se ofrece en aberto o material docente que os seus profesores utilizan nos ensinos, xunto cunha guía de estudo.
Esta iniciativa tivo un grande impacto e impulsou a outras universidades de prestixio internacional a adherirse, o que xerou proxectos propios en coordinación con OCW-MIT.
Universia comprometeuse desde o principio con este proxecto, ao promover o consorcio OCW Universia e ao establecer un acordo de colaboración coa Universidade Politécnica de Madrid, para impulsar conxuntamente o seu desenvolvemento.
